السلام عليكم
ووصلنا أم الدنيا
زي ما وعدتكم محبي القاهرة اني حكتب عن تجاربي سواء في السكن والأماكن اللي حزورها
نبدأ بالسكن في ستاي بريدج سويتس
هوا عبارة عن سويتات فندقية لكن الخدمة فيها ممتازة وعالية
كنا حاجزين ليلتين وبعدين انتقال الى الاسكندرية ولكن مددنا يومين كمان بسبب الاجواء في الاسكندرية كانت مطر ومقفلين الطريق عليها , وبما أن الفندق ممتاز وخبرونا بيمددو بنفس السعر اللي أخذناه أول فضلنا نكمل عندهم على الانتقال
السعر ⭐️⭐️⭐️
نبدأ بالسعر يعتبر مرتفع ليلتين كلفتنا ٣٤٨ ++ دولار ، حجزنا كان مبكر وبعرض الافطار شامل السعر الضرايب
الحلو لمن مددنا يومين مددولنا بنفس السعر ومااعطونا بسعر حجز الفندق اللي هوا اغلى
موقع الفندق ⭐️⭐️⭐️⭐️⭐️
تقدر تقول خمسة نجوووم منطقة قريبة من المطار وبعيدة عن الزحمة
وفي الستي ستارز افخم مول يعني كل الوناسة جنبك ما تحتاج تكاسي وزحمة
من داخل الفندق تروح ل المطاعم كافيهات سينيما كلو متوفر
الغرفة ⭐️⭐️⭐️⭐️
حلوة ووممتازة ونضيفة
اهم شي فرشها نضيف
بس تفتقر للدلع زي السلبرز والارواب
و مافيها اطلالة بحكم طبيعة المنطقة
فيها بلكونه صغيرة
 |
| منظر من البلكونه |
مجهزه بمنطقة خدمة كاملة اللي حابب يحضر اكل في الغرفة
الخدمة ⭐️⭐️⭐️⭐️⭐️
خدومين وبشوشين
والامان عالي مرة دخول وخروج تفتيش وامن
وعندهم خدمات حلوة في منطقة غسيل مجانية
وانترنت مفتوح في الغرف
مطعم الفندق ⭐️⭐️
حجزنا كان معاه فطور مجاني
بصراحة كان متواضع وغير متنوع
منطقة الفطور صغيرة
بس الحلو فيه انو القهوة بأنواعها والشاي متوفر طول اليوم مجاني
ومتساهلين في موضوع لو حابب تاخد فطورك للغرفة ما بيقولو شي
 |
| منطقة الفطور في اللوبي |
 |
| فطور متواضع |
 |
| اطلالة منطقة الفطور على حديقة خارجية |
تقييم عام للفندق
عموما الفندق حلو ممتاز يستاهل الاقامة
ممكن يفتقر للرفاهية زي المسبح والكافيهات والمطاعم
بس موقعو في الستي ستارز يشفعلو لأنك ما بتحتاجها من كثرتها في المول
هل حرجع أسكن في الفندق تاني أو لا ؟؟
نعم ارجع اسكن فيه بس يكون في عرض سعر حلو :)
وبس :)
اتمنى اني غطيت كل جوانب الفندق
الحمدددلله ع السلاامةة ي قمرر
ردحذفرجعتِ و رجعت آلبوستآت آلحلوة
آتوقع آنكك رح تحمسيني ل مصر
آنتظر بآقي آلبوستآت 😍😍
الله يسلمك يارب
ردحذفمنوره :)