الأحد، 5 نوفمبر، 2017

أجمل 7 ليالي في اسطنبول


السلام عليكم

طولت المره هادي ورجعتلكم بمكان جديد يعتبر الوجهه رقم١ للسعودين

اسطنبول الجميلة الرحلة كانت في اخر شهر ٩ ( سبتمبر )

الجو كان مررره حلو يميل للبرودة بس غايم طول اليوم ومطر خفيف
فكرة الرحلة كانت استجمام ومشي واكتشاف اماكن جديدة ورايقه بعيد عن المناطق الأثرية وزحمتها 
رحت شوية مولات بدون شوبينق زيارات خفيفه وجلسات كافيهات

خلال ترتيب الرحلة اكتر شي طولت فيه اختيار منطقة السكن لسببين : الشي الأول اني ما ابغا المنطقة القديمة والشي الثاني ابغا فندق قريب من المترو ويكون وسط مكان تجاري وحيوي عشان حلو تتمشي برجلك تتفرجي على كل شي والحديقة العامه المشي جوتها والجلسه حلوة

وجا اختياري على منطقة ( نيشانتشي ) قريب من مترو عثمان بيه
* خمسة دقايق مشي

منطقة السكن اعطيها خمسة نجوم رائعة بكل معنى الكلمة
١- دقيقتين مشي للحديقة العامة
٢ـ دقيقتين مشي للمطاعم والكافيهات
٣- دقيقتين مشي محلات تجارية ( ماركات عالمية وتركية )
٤- دقيقتين مشي اسواق جملة ملابس اقمشة
٥- خمسة دقايق مشي انت في محطة ميترو عثمان بيه توصلك ب دقيقتين لميدان تقسيم ومنها تقدر تنطلق على كل المناطق البسفور والمنطقة التاريخية سلطان احمد والبازارات

منطقة نيشانتشي تنقسم لشارعين رئيسية : 
١- عثمان بيك فيه الماركات التركية والمحلات العادية والمطاعم وكافيهات 
٢-Abdi İpekçi هادا شارع الهاي اند براندز ( LV . .... ) وبوتيكات كتير وفيه مطعم نصرت الشهير برشة الملح 
فيه فندق ذا هاوس في نفس الشارع 




مطعم زماني فطرنا فيه اول يوم وصلنا فيه لزيز مرة وله فروع في المولات



مادو كافيه الفطور حلو والجو العام حيوي 
القهوة لا في اماكن كثير احلى

هادا كان شاي الوداع 😢

طبعا المدح كله للمنطقة اما الفندق فعادي تلاقو احلى منو رغم مرتب ونضيف وفيه كل الخدمات بس يعتبر في التصنيف بوتيك وليس فندق

المناطق اللي زرتها :
١- تقسيم
٢- بيبك
٣- اورتكوي
٤- بشكتاش
٥- الجزء الأسيوي ( تلة العرايس - شارع بغداد - بوليفار٢١٦)

المولات :
١- استينا بارك
حلو وفيه هاي براندز وكافيهات جلساتها مفتوحة
كافيهات فرنسيه ( لادوري ، بترفلاي ، ... )💓

٢- فينيسيا فيا بورت *اوتلت
٣- فلوريا
٤- زورلو

الموصلات :
١- الميترو
٢- كريم ( كان ارخص من اوبر بكتير )
٣- سيارة خاصة اخدناها يوم واحد بس للجزء الأسيوي ( اسعارهم من ١٢٠ دولار - ١٥٠ دولار ) لليوم


اجمل الكافيهات والمطاعم المطله على البسفور :

كافيه ( اكوا ) فندق الفورسيزونز

الطريق للفندق 😍



مدخل الفندق وواضح الاطلاله الجميلة







قريب منه كان في اشهر محل للصدف المحشي رز او زي ما يسموه ( ميديا )
المكان مره صغير بس لزييييز ومرة مضيافين وحبابين




** عشق كافيه 




الحلا الشهير ( العشق الممنوع ) 
عبارة عن ملفيه وفوقها كريمه وفراولة تجنننن 💕💕 



Yenikoy Spor Kulubu Tesisleri/Yeniköy Sahil Kafe Restoran

المطعم دا اطلالته تجنن بس ما جربت الأكل بس حلا وشاي تركي 💘

كل الأماكن كنا حاطنيها في قوقل ماب ونوصل لأقرب منطقة بالميترو أو بكريم بعدين نمشي على البسفور مناظر ترد الروح 
وهادي صور قبل ما نوصل للمطعم


اطلالة ماكدونالز على البسفور 

وصلناااا😍





جلسة مالها حل رواااق 

* منطقة بيبك 
منطقة جدا راقيه بالكافيهات والجلسات اللي على البسفور كل مكان احلى من التاني










بعد مشي ومشي ومشي وصلنا لمنطقة كافيهات * كافيه دنياسي
*كافيه ديفان هادا اللي جلسنا فيه 









منطقة تستاهل الزيارة وافضل منطقة للتمشية راقيه جدا

مطعم لقمة

Lokma

  الموقع :
 Rumeli , Yahya Kemal  

اطلالة المطعم 




المكان جلستو مرة حلوة ما جربنا الأكل بس عصير  

منطقة اورتاكوي 
منطقة شعبية عن نفسي ما ارتحت فيها وما عجبتني 

احلى شي المنظر دا بس 

والمسجد 

وفيها دا الفندق الحلو مباشرة على البسفور وفيه كافيه لازم حجز 
اللي حابب يزور المنطقة ممكن يتفرج عليها ويجلس فيه بعدين افضل من الأماكن اللي برا
مزعجين  


منطقة تقسيم سكوير الشهيرة 
كنت اروح هناك عشان حافظ مصطفى بس يعجبني مفتوح طول اليوم وانو بعيد عن الشارع الزحمة

القهوة وحلا التريشلي مالها حل عنده








كيكة مقرمشة ما اعرف كيف بس شي لزيز 😍



منطقة السلطان احمد حلوة تتمشي في الحدايق اللي برا الين توصل توبكابي ومنو على ميناء امينونو 







فلوريا 

المول مرة حلو وفيه جلسات خارجية مطله على بحر مرمره - قريب من المطار 




جلسنا في الكافيه 







المكان يستحق الزيارة اكتر من مرة بس ما امدانا الوقت الجلسة لا تمل 

قريب من المول مطعم شازلي الشهير باللحوم 

///////////////////////////////////
احلى يوم كان الجولة في الجزء الأسيوي أول مرة ازوره  رحنا عن طريق الجسر وفي الرجعه عن طريق البسفور 
شوفو الصور تحكي💕😍










خرجنا من ١٠ص وعلى تلة العرايس الفطور كان الزز فطور شاي وسميت 😍




مجمع مطاعم 
حلوة جلساته بس عادي لو ما تبغو تاكلو لا تروحوه مافيه شي



شارع بغداد تسوق من الدرجة الأولى كافيهات وبوتيكات 

احنا جلسنا في ماقنوم ستور











منطقة كاديكوي في الجزء الأسيوي 

المنطقة كلها بوتيكات صغيرة محلية مهي براندز بس تجنن
لبس وحاجات شغل يد للبيت واكسسوارات
الكافيه دا حكاية ما اكلنا شي بس اخدت تيك اوي برتقال مجفف مغطى بالشوكلت
اغلب الناس ما تتكلم انقلش هناك لأن المنطقه مهي سياحية بس حبابين ويحاولو يتفاهمو معاك







خلاص رجعنا💔






ووصلنا الجزء الأوروبي



واخر شي اوت لت فينيسيا بورت 
اللي حابب يتسوق يروح في حاجات مرتبه 
عن نفسي رحت عشان شكل المكان حلو 






وخلصنا
 اسطنبول جميلة جدا وكبيرة 
تحتاج تخطيط وخصوصا لو الفترة قصيرة عشان ترتب الأماكن القريبة من بعض تروحها في يوم واحد 

الخلاصة :
( زيارة واحدة لا تكفي لأي مكان حطيت عنو كل مكان أحلى من التاني )