لوكستيان : رفيقة السفر L’Occitane : Travel BF

السلام عليكم 

لوكستيان معروفة بمنتجاتها المميزة ، وفي السفر خصوصا نحتاج منتجات بأحجام صغيرة 

( منتجات لوكسيتان المفضّلة لديكم في أحجام ملائمة للسفر. مستحضرات محمولة مثاليّة لحقائب اليد والحقائب المحمولة على الطائرات ولكلّ احتياجات التنقّل. كلّ المنتجات الفرديّة في هذا القسم مصادق عليها من قبل إدارة أمن النقل الأميركي (TSA). رحلة موفّقة! ) مقتبس من موقع لوكستيان 

المجموعة جميلة وصلتني هدية من قبل كم شهر

وما استخدمتها لأنها حجمها صغير وما تكفي الا لسفرات قصيرة 

قريبا ح استخدمها في سفرة صغيرة لمدة ٣ أيام ( ان شاء الله ) 
 وسط سفرة طويلة، حلوة وخفيفة في التنقل و اتوقع انها تفي بالغرض .

المجموعة مكونة من (  عطر ٧.٥ مل  ) حلو لشنطة اليد 

شآور جل ٧٥مل ، بدي لوشن ٧٥مل 

أحلى شي في المجموعه كريم اليد ١٠مل 

وتجي مع المجموعة شنطة صغيرة مررررة حبيتها انها من النايون اللي ما يتبلل 

باكينق  المجموعة حلو ومرتب وعليها شريطة تنفع تكون هدية مرتبة
( زي ما وصلتني ) 

أو تدللي نفسك بيها في سفرة قصيرة :) 

- عندهم منتجات كتيره بأحجام السفر عند تصفح الموقع الرسمي لهم اختاري المنتجات اللي تحتاجيها

وفي اختيار ( أحجام السفر ) الخاصة .

من فين أقدر أشتري المجموعة 

- متاجر لوكستيان 

في جدة ( السلام مول ، عزيز مول ، ستارز افينيو جدة مول )

- أو الموقع الرسمي لهم

الرآبط

والأحلى تقدري تتسوقي من البيت ويوصلولك المنتجات مجانا

وبس :)