Maram Ghurab

الأحد، 31 يوليو 2016

أي ام جي عالم من المغامرات دبي IMG WORLDS DUBAI

السلام عليكم

رجعتلكم بالخبر التاني اللي اتكلمت عنو في البوست اللي قبل

الخبر عن مكان افتتاحو حيكون بعد ١٥ يوم من الآن (*ـ*)

المشروع سوو عليه حمله اعلانيه ضخمة مرررره

وأكتر من مسيرة في كل الشوارع المهمه ، طيران حول برج العرب وحاجات تانية كتير

( لقطات من فيديو الاعلان )

طبعا معتمدين الشخصيات من هوية المكان

طبعا راح اتكلم عن مدينة ملاهي في دبي <<<< واخييييرا تحقق الحلم

مدينة الملاهي اسمها عالم

أي ام جي عالم من المغامرات دبي IMG WORLDS DUBAI

افتتاح المدينة راح يكون في ١٥ اغسطس ٢٠١٦

والتذاكر من الآن معروضه للبيع من نفس موقعهم الرسمي

( اسعار التذاكر )

المدينة فيها اربعة مناطق للمغامرة ودور للسينما

السينمااا

وفي عروض مباشرة
تتضمن الموسيقى والرقص والعروض البهلوانية
احسها ممتعه مررره للأطفال

وطبعا بعد التعب واللعب ما نسيو يسوو لنا مطاعم وعربيات الوجبات الخفيفه

المطاعم ماشاء الله كتيره ومتنوعة بس جبتلكم كم صورة
( حركات تشويق وكدا )

وخلصنا لعب وأكل وجا دور التذكارات والهدايا
لأني مستحيل أجي مكان بالروعه هادي والشخصيات اللي احبها وما اشتري شي يفكرني باليوم الجميل اللي قضيتو
لكل لعبه ستور خاص بيها فيه كل الالعاب والملابس الخاصه بالشخصيات

ساعاات العمل :

الخدمات :

كيف أوصل للملاهي ؟؟

بعض من صور الألعاب وماكترت تركت الباقي للتشويق *ـ*

فندق الرعب *ـ*

وشكرا لمتابعتكم "ـ"

اكتبولي كومنت او حيكون دا مساعدكم في الفندق هاهاهاها

الفكره من عرض هادي المواضيع والاعلان عن الاماكن الجديدة سواء مطاعم أو اماكن ترفيهية عشان اسهل عملية البحث للمسافرين اللي حابين يرتبو جداولهم عشان هيا اساس نجاح الرحلة وما تضيع عليهم الايام وهما يسألو فين يروحو
أو ما يوصلو للوجهه اللي اختاروها حسب كلام الاصحاب
أو الكونسيرج تبع الفندق

كل اللي عليك تجيب جدولك وتضيف الاماكن والمطاعم

ودبي مو بس دبي مول والنافورة وبرج خليفة

دبي مليانه حاجات أكتر من كدا بكثيييييير

(مع العلم انه بعض الأماكن الجديدة ما أكون جربتها بس لقيت فرصه انو اسوي عنها بحث يفيدني ويفيدكم وان شاء الله مستقبلا لو زرتها حتكون في تغطية من تصويري )

وتسعدني تعليقاتكم على الموضوع :)

وبس :)

السبت، 30 يوليو 2016

دبي : لا حدود للإبداع ، Last Exit Dubai

السلام عليكم

عارفه اني مقصره كتير مع المدونة وما بحط مواضيع :(

بس حتسامحوني على الخبرين الحلوة اللي جايبتها

طبعا أخباري دايما وابداََ عن دار الحي محبوبتي ( دبي )

دبي اللي اتفوقت على نفسها وخلت مافي مجال للمنافسة وكل منافس جنبها ضعيف

الخبر الأول - اتكلمت عنو في حسابي على الانستقرام ( @maram_ghurab )

( اضيفوني على الاستقرام لمتابعة الاخبار الجديدة )

الخبر عن تجمع للفود تراك ( شاحنات الطعام ) طبعا هادي الموضه لها فترة في دبي مهي جديدة ابتداداً من سولت في كايت بيتش وهوا اشهرها تقريبا وبعدو سارت في شاحنات كتير منافسه

تجمع الشاحنات في منطقة جبل علي على امتداد شارع الشيخ زايد

وسموه ب ( Last Exit )

الافتتاح فى صيف 2016 نهاية شهر يوليو

حتكون حديقة last exit Dubai مفتوحة طول اليوم

وكل ايام الاسبوع 7/24 ساعة بدون توقف ، وبالنسبة للأكل حيكون عالمي

فكرتهم من انشاء الحديقة انهم يستفيدو من قطع غيار السيارات وهياكلها تفكير ممتاااز

المكان حيكون مجهز على اكمل وجه زي ما عودتنا دبي

( مصلى ، دورات مياه ، مكينة صراف آلي ، مواقف ) دلللللع من الآخر .

جمعتلكم شوية صور من كم موقع ومن حسابهم على الفيس بوك كحلو عيونكم وحطوها في جدول الرحله لو طالعين دبي قريب

عنوانهم و التواصل معاهم :

Location

E11! Last Exit is ideally located in Jebel Ali with convenient access from Sheikh Zayed Road – just after interchange 11, direction Dubai.

800-637227 (800 MERAAS)
+97143173999
CUSTOMERSERVICE@MERAAS.AE

وبس هادا خبري وان شاء الله يعجبكم

الخبر التاني في بوست جديد

اشوفكم على خير

الثلاثاء، 17 مايو 2016

زاروب دبي ٢٤ ساعة

السلام عليكم

بما إنه إجازة الصيف بدأت لأغلب الناس وبدأ موسم السفر
قلت احط كم موضوع عن تجارب المطاعم في دبي بالتفصيل

نبدأ ..

كل ما أطلع دبي أعاني من مشكلة إني أجوع بالليل ولا ألقى شي لذيذ آكله

وخصوصا إني ما أبغا فاست فود

أو بالعربي كدا ما كنت أعرف أماكن وخصوصا إني من زمان ما سرت أسكن بالشيخ زايد

يعني بصووووت عااااااالي فينك عني من زمان

زارووب <<< معنى الكلمة الشارع الضيق باللهجة الشامية

فكرة المكان :

إنو شعبي بس مرتب جو قديم من ألوان ونوعية أكل والصور والكلمات اللي تزين جدران المكان

المطعم يفتح ٢٤ ساااعه

يقدم الأكل في المطعم ل الساعه ٤ ص ومن بعده يكون ديلفري

وصلنا الفندق 4 الفجر وطلبنا من الفندق ارقام مطاعم توصل واعطانا زارووب

وكانت أحلى صدفه

نوعية أكل المطعم :
أكل شامي بحت ، فول وطعمية وفطاير ومناقيش وشاورما وفته
يعني مستحيل تجلس بالمكان ما تلقى طلب تحبه
وأنواع ساندويشتات مبتكره بخبز الصاج و شي بفطاير ملفوفه

طلبي ديلفري على الفندق وصل بسرعة ودافي والباكج مررررتب
البطاطس حقهم ببهارات ماله حل
والعصيرات كلها فرش
اتعب وأنا أمدحهم

وقررت أروح أزور المكان وأجرب الأكل هناك

هذا المدخل في الجلسات الخارجية

المكان ماشاء الله مليااان احس الصور مو مرتبه

شوفو كيف الديكور كيف يفتح النفس

هاذي منطقة الانتظار لأن المكان دايما زحممممة

المطعم من جوا اسم على مسمى كأنك جالسه بشارع شامي قديم

هذا المنيو

وهنا العصيرات والحلا

يجننننن لولو وطبوووش يذكرنا بأيام زمان واحنا صغار

فتة لحمة حاااامضه ولزيزة بشكل ما تتصوروه

ماصورت كل الطلبات بصراحة من لذاذته ماشاء الله تنسى تصور وهم هم هم

خبز دجاج بالثوم كأنه مناقيش ملفوفة

وهادي فاتورتنا شوفو كيف تجي

وطبعا لازم يكون معاك تيك أواي

موقع المكان : شارع الشيخ زايد قريب من فندق روز ريحانا تبع روتانا

مميزاته : مفتووح ٢٤ ساعه ، عنده توصيل

عيوبه : زحمة على الجلسات بس ما ينقص من تقيييمه

الأسعار: تعتبر متوسطه

طبعا بدون سؤال راح ارجعله كل مرة أزور دبي مرة واثنين وأكثر

أنصح فيه ١٠٠٪

في فرع جديد بيفتح قريب من المرسى ^ـ^

ولهم مكان في القرية العالمية

وبس

Manga Sushi N Dubai Mall || مانجا سوشي في دبي مول

افتتح فرع جديد لمانجا سوشي في دبي مول بعد فرعهم في الجميرا

المكان ملفت بديكوراته والويترز ولبسهم

الديكور كلو يعتمد على شخصيات المانجا اليابانية
وفي قصص مانجا كمان في الرفوف

تعريف بسيط لكلمة مانجا أو مانغا - مانغا (بلغة الكانجي اليابانية 漫画؛ بالهيراغانا まんが؛ بالكاتاكانا マンガ) هي اللفظ الذي يطلقه اليابانيون على القصص المصورة، ويستخدم خارج اليابان للدلالة على القصص المصورة التي أنتجت في اليابان، أو القصص المصورة التي رسمت بنمط مشابه للنمط الياباني. وقد يستعمل هذا اللفظ للإشارة إلى الصناعة المتعلقة بهذا الفن وكذا إلى الوسائل الإعلامية التي ينتشر عبرها (دوريات، مجلات، إلى آخره.).